MATAPOS MALIGO ni Joseph ay agad siyang nag suot ng boxer at muling kinuha ang tuwalya, para tuyuhin ang buhok. Humarap din siya sa salamin at tiningnan ang mukha. Medyo mahaba na ang kanyang mga balbas, kaya naisipan niyang mag ahit muna. Kinuha niya ang shaving foam at nilagyan ang mukha, saka siya nagsimulang mag ahit. Ingat na ingat siya sa ginagawa, dahil ayaw niyang masugatan ang mukha. Matapos niyang mag ahit ay pinunasan ang mukha, saka siya naglagay ng cleanser at gel, para hindi mangati ang balat. May cream pa siyang ipinahid, bago siya napangiti sa sarili sa salamin. Muling umaliwalas ang kanyang mukha, matapos niyang mag ahit. Mas bumata din siyang tingnan ngayon.
Nang matapos siya sa ginagawa ay pumasok naman siya sa loob ng walk-in closet at kumuha ng damit. Isang kulay pu
