THALYN'S POV.....
NAGISING AKO sa isang kuwarto na hindi familiar sa akin. Nakakaramdam din ako ng pagkahilo at pananakit ng buong katawan. Sinubukan kong gumalaw, ngunit lalo kong naramdaman ang matinding sakit. Muli akong napapikit, dahil sa sakit na nararamdaman ko. Natanong ko tuloy ang sarili kung ano ang nangyayari sa akin? Bakit ganito ang pakiramdam ko, hindi ako makakilos ng maayos? Wala akong matandaan na ginawa ko para sumakit ng ganito ang katawan ko.
Ilang sandali akong nagpahinga para mawala ang pananakit ng aking katawan. Inisip ko rin mabuti kung nasaan ako, at kung anong nangyari sa akin, bakit ako narito sa lugar na ito? Ang anak ko kaya nasaan siya? Baka gising na 'yon at gustong kumain. Gutumin pa naman ang anak ko at magliligalig iyon kapag hindi kaagad nakakain. H
