HABANG abala sa paglalangoy ang apat ay abala din ako sa pagsusulat. Nawiwili akong magsulat ngayon, dahil natutuwa akong panuorin ang mag-ama ko na masayang lumalangoy.
Hanggang sa hindi ko namalayan na nakatapos na ako ng isang chapter. Agad ko itong pinublished, para mabasa ng mga readers ko, at malaman din nilang buhay pa ako. Naglagay din ako sa author's note ng mensahe, para alam nila ang dahilan ng aking pagkawala ng mahigit isang buwan.
Tama naman na umahon na ang mag-ama, kaya ni-off ko na rin ang Laptop ko, at muling inilagay sa bag nito.
Sinalubong naman ni Reynalyn si Gerlyn, para suotan ng bathrobe, at binigyan ng maligamgam na gatas para hindi siya ginawin. Matapos na mainom ni Gerlyn ang gatas ay agad na siyang dinala ng Yaya niya sa loob, para paliguan ito at bihisan.
