"Miss Yumi, palagyan po ng remarks ah." Marahan ko pang binaba ang folder sa gilid ng mesa niya.
Pansin kong tumikwas ang kilay niya at bahagyang umirap sa folder, "Remarks? May isang linggo ka pa para diyan. Patapos ka na pero hanggang ngayon wala pa rin ang order kong mga lipstick." Umingos ito at muling nagtipa.
Alanganin kong nakagat ang ibabang labi. Hindi ko pa nga pala iyon na-o-order kay Christian simula noong sinabi niyang hindi Drake ang pangalan ni Draco.
I sighed and fidged my fingers," Uhm. Ipahahatid ko na po ngayon, Miss Yumi."
Umangat ang tingin niya at bahagyang tinagilid ang kanyang ulo," Ngayon? Working hours mo pa, Verona. Huwag kang atat." Umiling ito at binalik ang tingin sa computer.
Naitikom ko ang bibig at pasimple na lamang bumalik sa pag-aayos ng folder. Ng
