♛♕♛
"Magandang araw mahal ko, kamusta ang pakiramdam mo?" Bati ni Zeren kay Adelle habang pupungas-pungas pa ito at tila tinatamad pang gumising dahil sa katunayan niyan ay kakatulog niya lamang.
Hindi nakatulog si Adelle at inabot na siya ng madaling araw sa kakaisip sa mga pangyayari na nagaganap sa loob ng Quintus estate.
Ngunit kahit anong gawin niyang paghahanap ng sagot sa lahat ng mga katanungan na iyon ay hindi niya pa rin mahanap ang mga kasagutan.
"Ang aga mo ata?" Tanong naman ni Adelle sabay kusot sa mata niya at nakita niyang binubuksan ni Zeren ang bintana ng kaniyang silid, hinawi na rin ninto ang makapal na kurtina na tumatakip sa liwanag ng araw sa labas.
"Ah, aalis kasi ako. Gusto ko lang magpaalam sa 'yo bago ako lumisan," sagot ni Zeren na pinagtaka naman ni Adell
