Lilith knew that the odds were against her marriage to Cas. Wala ang mga magulang niya, ganoon din si Mother Gie na isa sa pinakamalapit sa kaniya. Gayumpaman, kahit papaano'y kasama niya sina Meg, Laura, at Ana na siyang tatayong mga abay.
Habang nakatulala siya sa salamin ay hindi niya napansing pumasok si Meg. Suot nito'y isang kulay rosas na Infinity dress. Saka lamang kumurap ang kaniyang mga mata nang lumapit ang kaibigan at tinapik siya sa balikat.
"Ano ka ba naman, Lilith. Sobrang ganda ng wedding gown mo tapos ganiyan naman ang mood mo. What's with the face? Nagbago na ba ang isip mong magpakasal?"
Umiling si Lilith. Ngumiti siya ngunit hindi naman nakaabot sa mga mata. "Hindi mangyayari 'yon. Ito nga ang pinakahihintay ko, 'di ba?"
Nagpamewang si Meg at tinitigan sa salamin
