نتيـجة عشـقي بنـاتي

الفصـل الثـالث

روايـة: نتيجـة عشقـي بناتـي

بقلـم: حوراء الوائـلي

الفصـل الثـالث من الجـزء الأول

_____________________________________________________

أحس بروحي مو آنه

رجفت وروحي عرگانه

مثل رعشه جسم ممسوس

قرو آيه اعله شيطانه??.

.

.

.

غدير ...... مر شهر علا زواجي وعشت بهل شهر اجمل. ايام حياتي ويه حبيب عمري وحياتي حيدوري

دائما اسمعهم يگولون حيدر من يعصب ماكو منه. كارثه ولامرة شفته عصب

المهم بديت احس بتعب وأرهاق ودوخه و***بان نفس شكيت بنفسي حامل بس حاولت

اهدء اااوووف ياربي شون بيه ما أريد احمل. يادوب كملت الرابع واصله للخامس أووف

المهم مرت شهر واني علا هل حاله لاحظت عمتي. واخذتني للمستشفى للتحليل وحللت وطلعت حامل

رجعت للبيت وكتلهم لحد يگول لحيدر أني اريد. افاجأه وفعلا محد حجه اجه باليل لگاني محضرة

الغرفه ومجهزة كولشي ومرتبتها والعطور تجنن. الروائح والاكل كولش طيب من ايدي طبعا

هو بعدة بالباب وصفن شويه باوع عليه وحجه

حيدر ....... غدير شنو هاي شمسويه

غدير ........ بأبتسامه ... ورحت تعلگت برگبته وهمست. يم أذنه ... حبيبي حياتي أنت حتصير أب عن قريب

حيدر ...... بانت علا وجهي علامات الصدمه والفرحه. والخوف من أنو يكون الجنين بنت لكن بانت أبتسامته

بعد لحظات وهو يحضنها ويفتر بيها وضحكته. بصووت عالي ويبوس بيها

غدير ..... فرحت من هيج فررح وشفت ضحكته. لكن حسيت بقلق بداخله وخفت انو اذا جتنه

بنوته اخاف ميقبلها وميريدها اوووف منج ياغدير. هسه شحجي وشگول يارب ساعدني وخلي يتقبل

فكرة انو البنيه سند وعافيه وحب وحنان وطاعه. ومىح وكولشي خلي يتقبلها اذا بنوته واذا ولد

أكيد حيتقبله مرت الليله واحنه فرحانين ونمت وحلمت بحلم كولش حلوو انو اني گاعدة تحت شجرا

جبيرة واغصانها متفرعه وتفوح ‏​‏​منـِْها . روائح كارثيه اويلي ولازمه كتاب بايدي واكلب

بي واني تحتها والمنظر يجنن وابتسامتي ماليه وجهي لكن فجأه هل شجرة وكعت للأرض

وسمعت صوت مرعب يصيح سيدرا وتذكرت حلمي القديم يا ربي شنو ليش ديتكرر هل شي هذا سترك يا ابونا اليسوع فزيت وبنفس الوقت الي فزيت بي

لگيت حيدر كاعدة ووجهة عرگان انتبهلي مـِْن كعدت

حيدر،،،،،،، خير غدير شبيج شصاير ليش فزيتي

غدير ...... حلمت حلم وفزيت بدايته حلو وبعدين خفت

حيدر .... والله واني بدايته خوف وبعدين حلوو

غدير .... شنو شحلمت حبيبي

حيدر ...... حلمت اني واگف بمكان عالي يم شجرة. جبيرا وتهتز كلها هل شجرة وبستان بي انواع واشكال

ماتنوصف وماشايفها قبل من اكل وفواكه وهل بستان. كله يتحرك بغضب وعاصفه بداخله والشجرة الجبيرة

هيه الوحيدة الي بقت واكفه وتهتز بكل قوة. لكن فجأه هدء البستان والشجرة وشفت حجر اخضر

وكع بين الشجرة والبستان وهدء الوضع. ورجع كلشي حلوو والبستان مثل الفردوس تماما

غدير ...... اني حجيت حلمي لحيدر وتفاجأنه باحلامنه. گعدنه الصبح وحجينه ل عمتي ام حيدر لان هيه

تفسر أحلام تعرف ولكن فجأه ضهرت علامات قلق. علا وجها وباوعت بينه وحجت

أم حيدر .... ماما غدير اسمعي زين حلمج خلي افسرة

غدير .... ماشي ماما اسمع سولفي

أم حيدر ...... ماما حلمج يدل علا أنو انتي جنتي. گاعدة تحت شجرة أسمها سيدرا وهاي شجرة

عظيمه وسقوطها علا الأرض يعني بالمستقبل. حتخسرين شي ثمين عليج يابنتي

غدير ..... جفلت بمكاني الخبر جان مثل الصاعقه. وحجيت بيني وبين نفسي بس لا تطلع

المولودة بنت وحيدر يقتلها بطني اوووف ربي. بقت حسبه تجيبني وحسبه تاخذني لا يا الهي ساعدني

ام حيدر ...... امي حيدر اسمعني خل افسر حلمك

حيدر ..... فسري غاليتي ونبضتي اسمعج

ام حيدر .....الله يحفضكم يايمه والله انت والنعم منك. يممه وانتي غدورة الله يشهد انتي بنيتي وبغلاه البنات

غدير ..... انتي مو بغلاه امي لانج انتي أمي

ام حيدر ..... ... يمه حيدر اسمعني معنى حلمك. انو انت حتصيبك مشاكل ومشاكل لكن بفضل شخص

منك وبيك حيطلعك من المشاكل وحيدليك الطريق. الصحيح والبستان الي جنت گاعد بي اسمه الفردوس

والشجرة اسمها سيدرا هم

غدير..... من كالت اسمها سيدرا باوعنه واحد للثاني. وكلت لعمتي واني مبتسمه

غدير .... عمه اذا صارت عندي بنيه اسميها سيدرا

ام حيدر .... انشالله بنيتي ولد او بنيه ماكو فرق

غدير .... انشالله

ام حيدر .... يمه حيدر والحجر الاخضر الي وكع. هذا دليل علا أنو انت حيصير عندك خير علا وجه

هلحجر والي هو بنيه حتنولدلك بالمستقبل

حيدر....... شنوووووو بننننيه مستحيييل ماتنولد

الام و*دير ....... اسم الله حيدر شبيك ترا عادي بنيه. رزق من ربك ياعيني شبيك بعد الله كريم

حيدر ...... كلت لا يعني لا مستحيل تولدين بنت. واذا ولديتها لاتلومين اله نفسج خله ومشه من يمنه

غدير ...... دمعت عيني ورحت حضنت عمتي وبجيت. وكتلها ليش ميريد بنات شبيهن والله حلوات

الام ...... يمه الله كريم منا لهذاك الوقت ربج. ميقصر ماشي يحبيبه

غدير .... انشالله يوم مسحت دموعي ورحت توضيت من الصبح وقريت قران و واندعيت لأمنه العذراء

تساعدني وتنجيني واذا بطني بنيه يتقبلها ابوها يارب ساعدني

دخيلج يا امنه العذراء ويا ابونا اليسوع ساعدوني. ويسروا طريقي الي

كمت من مكاني وفجأه فقدت وكعدت لگيت نفسي بالمستشفى وحيدر وامي وعمتي فوك راسي وابوي

وعمي مسافه عني فتحت عيوني وباوعت عليهم. كتلهم اني وين جاوبتني امي ماما انتي مستشفى

يگلبي وانشالله صحتج دومها تمام يگلبي

ام حيدر ..... ماما لتعبين نفسج ولاتهتمين كلنه يمج. بنيتي وشبيج مو كمتي من يمي مابيج شي

غدير .... باوعت علا حيدر وبداخلي اريد اكوله. كله منك لوما حاجي بسيرة نوع المولود

طلعت من المستشفى ورجعت للبيت وحيدر. وطول اسبوع لامتقرب مني ولا شي

وحتى ينام بالگاع نصدمت من تصرفاته. ورحت وصالحته ورجعنه تمام وحبايب

بس بعد مافتحنه سيرة نوع الجنين ماريد مشاكل

ورة فترة ثلث اشهر وحياتي طبيعي. قررت اروح للدكتورة واكشف عن نوع الجنين

مشه وياي حيدر وهو فرحان ومكيف وصار. الي مو علبال ولا علخاطر وف*نه للدكتورة وحللنه

وشويه صاحتلنه حتى تكشف نوع الجنين وكالت

الدكتورة ...... الف الف مب**ك انتي حامل ببنوته. ربي يحفضها الكم

حيدر ..... انصدم خله وطلع وهو عيونه بكصته. واني فرحت وگلت حتجي فرحتي للدنيا سدورتي

سميتها من لحضه عرفت بنفسي حامل واطلقت

عليها اسم

سـಿـيدرآ