“TULOY ka, Leal. Mabuti ay nakarating ka kaagad, mukhang lalakas pa ang ambon sa labas,” malumanay na wika ni Mama Helina matapos kong makaapak sa teresa ng mansiyon. “Nandito na sina Klay at Krid. Nandoon sila sa salas. Wala si Papa Miguelito pero bukas ay bibisita siya rito.”
Bakas ang lungkot sa mga mata ng ginang dahil sa amin ni Yosef ay ako lamang ang nakarating. Nahalata ko kaagad na hinahanap niya si Yosef, at nang hindi niya makita ang panganay niya ay tuluyang lumumbay ang kaniyang mga kilos.
Nahawa tuloy ako. Dumagdag pa ang sama ng panahon.
“Mamaya ko bubuksan ang regalo mo sa akin. Nakakahiya. Inabala mo pa ang sarili mo,” aniya. “Sunod ka sa akin. Marami akong ipinaluto.”
Akay-akay ako ng ginang papasok sa loob. Sinalubong kami ni Manang Seda upang tulungan ako sa mga bit
