“HINDI pa rin mapalagay ang loob ko sa tuwing sasagi sa isip ko na nakakasama mo sa iisang bubong ang ex-husband mo,” pahayag ni Uncle Simoun. “Hindi mo ako masisisi at hindi mo ako puwedeng pagbawalan na humingi ng pasensiya sa’yo sa tuwing magkakausap tayo.”
Napangiti ako.
“Ayos lang po sa akin. Besides, naging maayos naman po kami nitong mga nakaraang araw.” Kahit papaano ay nakaka-survive ako. Halos maidugtong ko.
Kahapon ay nakasabay ko sa almusal ang pamilya ni Yosef at masasabi ko na malaki ang nagbago sa kanila maging kay Lolo Migs. He seemed cold and became more strict. Medyo naramdaman ko rin ang pagkadisgusto niya sa pagpapanggap ko, mukhang ayaw niyang nagkakalapit kami ng apo niyang si Yosef. Pero hindi ko masyadong binigyan pa ng pansin iyon. In-enjoy at sinulit ko na lan
