***Belle POV***
PAGBABA ko ng sasakyan ay manghang mangha ako sa malaking bahay na nasa harapan ko na yari sa bato. Isa yung classic mansion na halatang may katandaan na. Ganitong ganito ang mga mansion ng mga mayayaman noong unang panahon. Bagaman lumang istraktura ito ng mansion ay halatang alaga naman at may nakikita akong mga tao.
"Kaninong mansion ito, Sir Strike?" Tanong ko kay Strike matapos nyang makausap ang driver na sumundo sa amin kanina sa helipad.
"Sa lolo ko sa tuhod." Aniya.
"Ilang taon ng nakatayo ito? Ganito ang mga mansion noong unang panahon, e."
"May 100 years na rin. Pinatayo ito ng mga magulang ni lolo noong 1920's."
Umawang ang labi ko. "Ah.. matagal na nga." Sambit ko habang nililibot ang tingin sa paligid.
Maganda ang lugar na kinatatayuan ng mansion. E
