***Belle POV***
UMAWANG ang labi ko sa pagkamangha nang makababa ng sasakyan. Inikot ko ang mga mata sa malaking dalawang palapag na bahay. Moderno ang istraktura at disenyo. Brown at white ang kulay ng tema ng bahay. May malawak na lawn at may mga halaman na nasa malalaking paso. May malawak na garahe na may nakaparadang tatlong mamahaling sasakyan. Eksaktong mag a-alas sais ng makarating kami rito ni Kuya Manuel.
May nakita akong lumabas na babae mula sa maindoor at naglakad sa pathway palapit sa akin. Mukhang sya ang kasambahay.
"Good morning po. Sino po sila?" Tanong ng kasambahay ng makita ako.
Sasagot na sana ako pero inunahan ako ni Kuya Manuel na nakilala ng kasambahay.
"Ikaw pala yan, Kuya Manuel." Anang kasambahay.
"Magandang umaga, Vangie. Hinatid ko lang ang anak ni
