***Belle POV***
NAKASIMANGOT ako habang nakatanaw kay Strike at sa babaeng kaulyaw nya sa magdamag. Nasa porch sila at naglalambingan pa. Kinilatis ko ang babae. Maganda ito. Morena, matangkad at balingkinitan ang katawan. Para itong model. Bet na bet talaga nya ang mga kapostura ng ex nya.
Bumuntong hininga ako. Mabigat ang dibdib ko habang pinagmamasdan ang dalawa. Ganito din ang nararamdaman ko noon sa tuwing nakikita ko sila ni Lauren na magkasama at naglalambingan. Parang nagdadalawang isip tuloy ako ngayon kung itutuloy ko pa ba itong kahibangan ko na ito. Hindi ko kakayanin na bukod sa akin ay may iba pa syang babaeng ikakama.
Ipinilig ko ang ulo. No! Ngayon pa ba ako aatras? Nandito na ako. Isa pa ang mga babaeng dinadala nya rito ay pampalipas lang nya ng oras. Hindi man ako
