***Amari/ Safarra's POV***
-
"Can you please, lumayo- layo ka muna sa akin ngayon, Russell. Ayaw kong sugurin na naman ni Kendra at subukan ipahiya sa harapan ng maraming tao." ani ko kay Russell nang sya na naman ang nakita ko sa pag- angat ko ng mukha.
Hindi pa ako nahimasmasan sa nangyari sa aming dalawa ni Kendra kanina, ngayon, nandito na naman si Russell. Kailangan ko din ng oras para makahinga. Masyadong nanikip ang dibdib ko kanina. At kung sisikip pa ito ngayon, baka magkaroon na ako ng sakit sa puso.
Nasa loob ako ng opisina ko dito sa paggawaan ng kape. Kasalukuyan kong inaayos ang mga order namin. Nahihirapan ako sa trabaho ko dito sa hacienda kahit may trained assistant naman ako na si kuya Alfred pa mismo ang nagprovide. Isa akong fashion designer, malayo ang trabaho ko
