***Amari's POV***
-
"May nais iparating sayo ang mga panaginip mo Safarra. Nababasa ko dito sa palad mo na may panganib na darating sa buhay mo at kung hindi ka mapagmatyag, maaari mo itong ikakasawi." ani ni Mang Poldo sa akin.
Kahit pa maraming pagkakataon na parang nanloloko lang si Mang Poldo pero naniniwala parin ako sa kakayahan nito. Hawak nya ang palad ko at binabasa daw nya ang kapalaran ko ayon narin sa kung ano ang nakaguhit sa palad ko.
"May mga taong gusto kang saktan at malapit lang sila sayo. Sa mga taong kasama mo ngayon Safarra, hindi mo alam kung sino sa kanila ang tunay na kakampi at kalaban. Tandaan mo, minsan dinadaya tayo ng inakala natin. Minsan kung sino ang inakala nating kalaban, hindi pala. Mag- ingat ka sa lahat pati na nga sa mga katulong mo sa mansyon."
