Janella's POV
Magkasama namin ni Mama na kinausap si Joseph bago sumama kay Kiel. Iniwanan na muna namin si Kiel kasama ang ilan naming kapit-bahay na sabi ni Kiel ay nais niyang makausap.
"Hindi sa mas gusto ko ang alok na tulong ni Kiel, nagbibigay konsidirasyon lang din ako kay Kiel bilang sa kaniya ipinagkatiwala ni Alex si Jane," sabi ni Mama na kaagad kong sinegunduhan.
"Baka rin isipin ni Papa na ayokong tumira kasama siya kapag tinanggihan ko si Kiel, ayoko namang masaktan si Papa."
Tumango-tango si Joseph nang may ilang buntong-hininga. "Naiintindihan ko na po iyon," baling niya kay Mama. "Wala lang talaga akong tiwala sa Alvarez na iyon."
Kaagad naman siniguro ni Mama na wala itong dapat ipag-alala dahil mabait at mabuting tao si Kiel. Mahigit anim na buwan na ngang kilala n
