Jonathan N.jonathan n. sa ilalim ng walang
hanggang liwanag
ng magpakailanmang
buwan ng hollywood theatre
lalaya
kami
lalaya
kami
lalabas sa
tatsulok na
tokador
kami
lalaya sa
tatsulok na
tokador
kami
lalabas.
mariposa sa magdamag
kagaya ng mga diwata
kawangis ng mga anito, diyablo,
estero, ng ubo ng tambutso,
reynang walang reyno
tawag sa iyo’y
bagong indio
bagong negro
bagong kristo
kara mo’y karimlan
dugo mo’y alkitran
kauri ang katalik
sa pagkumot ng pusikit
mariposa
mariposa
ikaw kaya’y nilason
o ’yan ba’y depinisyon
ng iyong paganong debosyon?
mariposa ng magdamag
kalaro ng tadyak at sampal,
hambalos at buntal
mariposa
mariposa
mariposang semento
iyong paraiso
hindi rito
wala rito.
lumuluhod sa quiapo.
sumasayaw sa obando.
lalaya
kami
l
