Third Person point of view…
Napamulat si Isabella napangiwi nang maramdaman niya ang mahigpit na pagkakatali ng mga kamay niya. Inikot niya ang kanyang paningin at natakot siya nang maaninag kung nasaan siya.
“Sino kayo? Anong gagawin niyo sa akin?”
“Hindi mo na kailangan na malaman.” Seryosong sagot sa kanya ng lalaking nasa tabi niya. Napuno ng takot at pangamba ang dibdib niya. Madilim na sa labas ibig sabihin gabi na at hindi niya alam kung nasaang lugar pa siya at kung ano ang plano ng mga ito sa kanya.
“Pakawalan niyo ako…parang awa niyo na. Ano bang kailangan niyo? Pera?” nangingilid ang luhang tanong niya dito.
Wala siyang alam na puwedeng gumawa nito sa kanya. At wala siyang atraso kahit kanino. Pinilit niyang kumawala sa mahigpit na tali sa kamay niya ngunit hindi niya ma
