Nang matapos ang trabaho ni Peach sa Club ng nagdaang gabi ay inayos na niya ang mga gamit niya kinaumagahan pag uwi niya sa boarding house upang maghanda na sa pag alis. Balak niya na kasing tumakas sa Bar dahil alam niyang hindi siya papayagan ni Madam Leah na basta basta umalis na lang, matagal na siyang bayad sa mga utang niya sa ginang na ginamit nito mula sa pagpapagamot sa kanya sa ospital ngunit sinasabi pa rin nito na kulang pa ang mga ibinayad niya upang mas lalo pa siyang mabulok sa mala impyernong lugar na iyon.
Nagdesisyon siyang ayaw niya na kung kaya’t mamayang gabi, pag naiabot na ni Claude sa kanya ang ipinangako nitong sampung milyon ay tatakas na siya. Hindi siya mapakali at kahit na nakahiga na sa kama ay hindi siya makatulog dahil inisip niya kaagad ang gagawin niya
