Hindi ko na napigilan ang paghikbi ko habang nakahiga sa lupa at yakap ang sarili ko.
'Yung dating phobia ko ay tila biglang nabuhay; nawala ang angas ko sa katawan at bigla akong kinain ng takot. Dati kasi nung 16-year-old pa lamang ako at bihis babae pa ay muntik na akong magahasa ng may ari ng store na pinagtatrabahuhan ko, mabuti na lang ay nakatakas ako nang tuhurin ko ito. At talagang matinding trauma ang binigay sa akin ng pangyayaring 'yun, isa 'yun sa mga dahilan kung bakit ako umalis sa lugar na 'yun at nagpanggap na lang na isang lalaki; dahil kung patuloy ako magiging babae ay hindi malabong mapagsamantalahan ulit ako, hindi lang ako kundi baka pati ang mga kapatid ko na puro mga babae pa naman; kailangan ko silang protektahan lalo na't wala na kaming mga magulang o kamag-anak
