YOONA:
PARA AKONG natuod sa kinatatayuan habang yakap-yakap ako ng dalawang babaeng kamukhang-kamukha ko. Umiiyak at tinatawag akong....Catriona.
"Totoo ka ba? Buhay ka talaga? Hindi ba kami nananaginip?" sunod-sunod na tanong ng babaeng kamukha ko na nakahaplos sa mukha ko.
"Saan ka nanggaling? Bakit ngayon ka lang nagpakita?" segunda ng isa pang kamukha ko.
Luhaan ang mga ito at damang-dama ko ang kakaibang bugso ng damdamin ko para sa mga ito.
"C-Catriona...c-can I hug you, a-anak?" nauutal at humihikbing tanong ng ginang na nangungusap ang mga mata.
Para itong robot na naglalakad na inaalalayan ng lalakeng sa tingin ko ay asawa nito. Napaatras ako na napailing na ikinatigil ng mga ito. Kita ang pagdaan ng sakit sa kanilang mga mata sa pag-atras ko.
"J-Jonathan...u-umalis na tay
