CHAPTER 69
Bukod sa malaking halagang iniwan ni Leigh noon kay Klein, nagbigay pa siya ng karagdagan para sa alam niyang naibigay ni Klein sa kanya. Kung tutuusin, sobra-sobra pa ang naibalik niya kaysa sa ibinigay o ginastos sa kanya ni Klein no’n. Halos kalahati ng ipon niya ang naibigay na niya kay Klein at ang ipinadala niya sa bahay nila.
“Kumusta ang pagbabalik mo ng pera sa kanya?” tanong ni Leigh kay Nicole habang nagtutulungan silang magluto ng kanilang hapunan pagkatapos ng mabigat-bigat na trabaho at iyon na ang huling pasok niya sa trabaho dahil ibinigay na sa kanya ang kanyang exit permit. May 1 week pa siya pwedeng manatili sa Saudi. 1 week kasi ang validity ng exit permit. Kung walang ibinibigay ang employer mo nag anito, hindi ka palalabasin ng immigration. Kung may kaso
