الحكاية الثالثة (3)

1885 Words

الحكاية ? _ طلقني بقولك =مش مطلق _انت اي ما بتفهمش =صوتك يبقى واطي وانت بتتكلمي _ افهم بقا وحس على دمك انت ما عندكش كرامه بصلي شويه وعينه احمرت وسابني وطلع من الاوضه سكت شويه بعد ما مشي انا زودتها شويه لأ شويتين يووووه ما كنش قصدي، طب هو اتعصب، اعمل اي دلوقتي طيب خرجت من الاوضه لقيته قاعد في الصاله وحاطط ايده على وشه ونفسه بدأ يعلي قربت منه وانا هموت من الخوف _يوسف انت كويس انت سامعني يوسف :.......... _طب رد عليا طيب يوسف :.......... _ طب انا اسفه رفع وشه وبصلي بصه ما فهمتهاش وراح قام من مكانه وسابني ودخل على جوا بكل هدوء دخلت اوضتي وعيطت عيطت كتيررر اوي، عيطت على كل حاجة بتحصل معانا، انا ذنبي اي، ذنبي اني ما بخلفش! قومت مسحت دموعي ولبست وخبطت على باب اوضته خبطه اتنين وتلاته وما فتحش لسه همشي من على الباب لقيته فتح يوسف :عايزه اي _ عايزه اروح البحر يوسف بحده :مافيش خروج الساعه ٣الفجر _ بس انا عايزه اخرج يا يوسف يوسف : وانا قولت لأ يا تاج تاج :بس انا عايزه اخرج مخنوقه عايزه اروح البحر يوسف : تاج خشي نامي، خشي نامي يا تاج تاج : مش عايزه انام يوسف :استغفر الله العظيم يارب، انت عايزه تتخنقي وخلاص، طيب بصي روحي نامي واوعدك اول ما نصحى الصبح هفكرلك في خناقه حلوه ونتخانق نبرت صوتي بقيت عاليه واتكلمت : انت ليه دايما بتقلب الترابيزه عليا وبتتهمني انا بأني نكديه ووووووو! انا بقول عايزه اخرج اروح اقعد شويه على البحر مخنوقه ومش طايقه اقعد هنا ثواني، صعبه دي! After 5 Mintes _يوسف افتح الباب بطل برود بقا =مش هفتح حاجة ونامي _ طب هات المفتاح عايزه اروح اجيب مياه اشرب =المياه عندك جمب السرير على الأرض روحي اشربي _طب عايزه ادخل الحمام = الحمام عندك هنا في الاوضه _يووووه افتح بقا الباب يا يوسف اتكلمت وعيني مليانه دموع :طب عشان خاطر ال سكت لثانيه، عشان خاطر اي مالقتش ذكره حلوه انا عملتهاله من ساعه ما اتجوزنا ودايما في خناق خناق وبس! مالقتش ذكرى حلوه افتكرها تجمعنا فيها مع بعض كل ذكرياتنا عباره عن خناق خناق وبس! سكت وعيني دمعت وهو فهم انا بفكر في اي، راح اتكلم _احم، مش هتنامي ولا اي اتكلمت بصوت مهزوز : انت بتحبني عدي دقيقه واتنين وتلاته ويوسف سكت ابتسمت بسخريه _ عارف ليك حق ما تردش انا ما عملتش اي حاجة تسعدك، انا نكديه، انا بومه، انا وحشه ودايما بنكد عليك، انا ق*فاك في عيشتك انا ما بخلفش، انا _بحبك ايوه بحبك ما تستغربيش انا بحبك من وانت طفله بضفاير، من واحنا بنروح المدرسه وايدنا في ايد بعض، من ساعه لما لقيت نفسي ببقى مخنوق وأجرى اكلمك واشكيلك، من ساعه ما اتولدتي وانا كنت اول واحد اشيلك، من ساعه لما خطبتك وبقي حبك كل يوم بيزيد في قلبي، يكمن عمري ما قولتلك ولا مره بحبك فيها واحنا بقالنا ٥سنين متجوزين بس افعالي كلها بتقول اني بحبك بحبك مش مجرد كلمه بحبك هبقي بهتم بيكي! بحبك هبقي ليكي مص*ر الأمان والحنان! بحبك يعني هفضل معاكي وعمري ما هسيبك! بحبك يعني هتبقى بنسبالي كل حاجة حلوه في حياتي! بحبك يعني هبقي معاكي في الحلوه قبل الوحشه! بحبك يعني هتكون حياتنا في مشاكل وخناق وعياط وكل حاجة بس هنعديها مع بعض! بحبك مش مجرد كلمه يا تاج، انا كنت طول الوقت معاكي وجمبك ومستحملك في الاخر تقولي أن انا مش بحبك! تاج ببكاء :انا عايزه انام =نامي يا تاج تصبحي على خير سابني وخرج من الاوضه قعدت على السرير وفضلت اعيط هو انا وحشه! ايوه وحشه عشان دايما بتخانق معاه عمري ما قولتله كلمه حلوه بالرغم من انه دايما بيفرحني وبيحاول ينسيني فكره اني ما بخلفش! ايوه انا ما بخلفش بقالنا ٥سنين متجوزين كل يوم في خناق ونكد انا عايزه اطلق ايوه انا عايزه اطلق انا ما بخلفش وهو من حقه يخلف ويبقى عنده أطفال، هو دايماََ كان يقولي واحنا صغيرين انه نفسه يخلف أطفال كتيرر اوي، نفسه يخلف اولاد وبنات يكونوا سند لبعض ويكونوا سند لينا يعاملونا بكل احترام وحب انا عارفه انه بيحب الأطفال جدا بس مش عايز يجرحني او يسيبني بس هو من حقه يخلف ويبقى عنده عيال حتى لو هيتجوز ويسيبني! نمت من كتر العياط وصحيت تاني يوم اتوضيت وصليت وانا بصلي زي كل مره فضلت اعيط وادعي من ربنا انه يرزقني بأطفال، عمري ما زهقت من الدعاء، من الصبر، من المحاوله، من العلاج، من العمليات عشان اخلف خلصت صلاه وخرجت برا لقيته واقف في البلكونه لقيته مجهز الفطار على السفره بس ما اكلش اتقدمت خطوتين وناديت عليه _يوسف يوسف لقيته ما سمعش صوتي، دخلت البلكونه وخبطت على كتفه كان سرحان واول ما خبطت على كتفه _ احم صباح الخير يا تاج =صباح النور، انت مش هتفطر ولا اي _ لأ انا فطرت = بجد، اومال الأكل زي ما هو ليه، تعالي افطر اتكلم وهو بيلبس الجاكيت وبيقفل السوسته =لأ انا نازل رايح مشوار كده، مش رايح الشغل النهارده، اه صحيح هنخرج النهارده هنروح فرح واحد صاحبي، سلام ما استناش ردي ونزل بسرعه فطرت وعملت شاي وفتحت التليفزيون وعديت ساعه واتنين ويوسف لسه ما جاش زهقت وروحت قعدت في البلكونه ومسكت نوته وبدأت اكتب اه صحيح انا بحب الكتابه جداََ وبحب اقعد اكتب بالساعات ما بزهقش فضلت أكتب ساعه واتنين وتلاته ما حستش بالوقت غير علي صوت يوسف يوسف بأبتسامه : وريني كده ده إسكريبت جديد، شكله حلو، قومي البسي عبقال ما اقراءه ابتسمت ابتسامه كبيره دايما بيشجعني علي موضوع الكتابه واي حاجة بكتبها لازم يقرأها ويبالغ في جمالها وببقي هطير من الفرحه دخلت الاوضه لقيت فستان محطوط علي السرير جريت عليه وفرحت بيه ومسكته زي الأطفال لما بيفرحوا لما يشتروا لبس العيد لبست الفستان، كان عباره عن فستان ازرق زي لون البحر بكم طويل وعليه حجاب باللون الأبيض بصيت لنفسي في المرايا وضحكت وفضلت الف بالفستان خرجت برا لقيته واقف ولابس قميص الأزرق اللي بحبه ولابس بنطلون اسود وماسك بوكيه ورد وبيبتسم _شكلك حلو اوي لما شوفت الفستان اتخيلتك فيه = شكراََ _ على اي = على كل حاجة دخلنا الفرح وانا ماسكه فيه وخايفه من كلام الناس اللي دايما بتسأل اي ده انتوا لسه ما خلفتوش؟ طب روحي اكشفي واتعالجي انت لسه صغيره؟ يا حرااام قلبي معاكوا؟ انتوا بقالكوا ٥سنين متجوزين وما عندكمش أطفال؟ ولا أصحابه ومامته وعيلته اللي بيجبلوه بنات قد كده عشان يتجوزهم اتخنقت، صوتهم بيتردد في وداني كل لحظه، جسمي ارتعش وبدأت اعرق لقيته حس بيا وبيضغط على أيدي بمعنى انا موجود انا هنا معاكي ومش هسيبك انا هنا اطمنت بنظره منه، ابتسمت تلقائياً اشتغلت اغنيه لعمرو دياب بصلي ومدلي ايده وقومنا رقصنا سلو انت لسه زي ما انت قمر في عيني? احلي عمر اللي كان بينك وبيني? لما تيجي سيرتك في الكلام دايماً بقول? دي حبيبتي الغاليه دي بنت الأصول? زي ما انت انت عندي زي ما انت الغلاوه هي هي? والمشاعر مداريه? زي ما انت? انت عندي زي ما انت? الغلاوه هي هي? والمشاعر مداريه? خلصت الاغنيه ورجعنا قعدنا تاني قعدنا شويه وبعدين لقينه والدته ووالده وأخوه واخته جايين علينا اتوترت وبصيت ليوسف لقيته بيطمني والدته : ازيك يا يوسف يا ابني كل بتسألش علينا ليه يوسف : معلش يا ماما الشغل بقا، مش انتوا كويسين والدته : الحمد لله كويسين، اي لسه تاج ما بتخلفش يوسف :لسه ربنا ما أردش الحمد لله على كل حال _مش هتتجوز تاني طيب، دي في حته عروسه قمر و يوسف :خليهالك يا حسين _اسمع مني انا طيب يا يوسف انا اختك حبيبتك، واحده صاحبتي عروسه مناسبه و يوسف : كفايه خلاص يا إيمان كفايه _لأ مش كفايه انا عايزه افرح بيك واشوف احفادي قبل كف اموت، حرام عليك بجد، ولا تكونش المحروسه مراتك معترضه على جوازك للمره التانيه، انت متجوزها ليه لحد دلوقتي طلقها وانا هجوزك ست ستها ما قدرتش استحمل اكتر من كده وروحت جريت بكل قوتي برا الفرح _تاج استنى بس اسمعيني تاج ببكاء :سيبني في حالي ارجوك، طلقني طلقني يا يوسف، ورقه طلاقي توصلي عند بيت اهلي، سلام ركبت تا**ي وركبت بسرعه وروحت عند بيت اهلي دخلت الشقه وانا دموعي مغرقه وشي ما وقفتش لصوت ماما وبابا وجريت بسرعه على اوضتي فضلت اعيط وشهقاتي تعلي وفضلت ادعي بكل صوتي ان ربنا يجبر بخاطري انا ما عملتش حاجة لحد ولا عمري أذيت حلو ليه الناس بتأذيني لييييه الخلفه مش بأيدي، اعمل اي انا طيب، استغني عن حبيبي وجوزي مقابل فرحته وجوازه من واحده تانيه ويحقق امنيه حياته ويبقى عنده أطفال ولا اكمل حياته معاه ويندم مرحبا بعدين! نمت وصحيت تاني يوم على صوت خبط جامد على باب اوضتي فتحت باب الاوضه لقيت يوسف واقف، اول ما فتحت الاوضه خدني من ايدي بسرعه وجرني وانا شايفه ماما وبابا واقفين ساكتين نزلنا تحت البيت وركبني العربيه وساق بسرعه وروحنا على بيتنا وانا كل ده فاتحه بوقي مش فاهمه حاجة وفي عالم الا شئ لاني هموت وانام ونعسانه أصلاً اول لما دخلنا الشقه سحبني على الاوضه وقفل بالمفتاح وحط المفاتيح في جيبه وقعد على السرير _ يوسف اللي عملته ده انت اتجننت انت خ*فتني من بيت اهلي =اولا انا ما خ*فتش حد يا هبله انت مراتي، ثانياً انا قولت لعمي ان انا هخدك بطريقتي لأنك عناديه ومش بتسمعي الكلام وما كنتيش هتروحي معايا، ثالثاً اقعدي بقا ساكته عشان عايز انام _ انت اهبل اللي عملته ده انت بتجر جاموسه، افرد يعني كنت ب*عري كنت هتجرني ازاي =لأ ما انا عارف انك نايمه بهدومك لأنك لما بتضايقي بتعيطي لحد ما تنامي في مكانك _طب طب افتحلي باب الاوضه بقا =مش فاتح حاجة _بقولك افتح الباب =صوتك يبقى واطي وانت بتتكلمي ما تعلمتيش حاجة اسمها احترام الزوج _ لأ ما اتعلمتش حاجة افت الباب بقا قام وقف مره واحده، خوفت ورجعت لورا، راح مطلع المفتاح من جيبه ورميه من الشباك = انت اتجننت هنخرج الزاي بقا احنا كده اتحبسنا صوتك يبقى واطي يا تاج عشان ما قلش أدبي عليكي _انا عايزه اطلق قعد على السرير بكل برود وقال: مش ملاحظه انك بقيتي الفتره دي بتقولي الكلمه دي كتير انا زهقتلك اتكلمت والدموع في عيني :انا بتكلم جد يا يوسف قام وقف قدامي واتكلم بخبث :تمام انا موافق نطلق واتجوز واحده أصغر منك مين مين ايوه البت نها بنت خالتي هي اصلا بتحبني = انت لما صدقت ولا اي _ الاه مش انت اللي عايزه تتطلقي من عيني يلا ننطلق =قول بقا كده انك مش بتحبني اصلاََ _لا اله الا الله يا بنتي انت اللي عايزه تتطلقي ومش بتحبيني خلاص تعالي نتطلق اتكلمت والدموع في عيني : اااانا مش بخلف وانت نفسك يبقي عندك أطفال وانا مش هقبل انك تتجوز عليا وحد يشاركني فيك، طلقني ورح اتجوز وانا عشان بحبك بجد بتمنالك حياه سعيده حتى لو مع غيري يا يوسف! =بس انا مش غيرك يا تاج البنات انا بحبك انت وهكمل حياتي معاكي انت، وانا عارف إنك بتقولي كلمه طلقني من وراء قلبك وانك بتموتي الف مره في اليوم بسبب الخلفه وبسمع عياطك كل يوم ودعواتك أن ربنا يرزقك، انا مش اناني يا تاج عشان اسيبك واتجوز غيرك، حطي نفسك مكاني لو انا ما كنتش بخلف ما كنتش هتسبيني، الحمدلله على كل حاجة، ربنا مدينا حاجات حلوه كتيرر يا تاج والخلفه ممكن تتعالجي وهنخلف مع الوقت مش حاجة اساسيه يعني، بلاش تجيبي سيره الطلاق تاني بقا = انا بحبك اوي يا يوسف _وانا بعشقك يا قلب يوسف بعد ٥سنين دخل يوسف من باب الشقه : ازيك يا تاج البنات عامله اي النهارده =كويسه اوي اوي اوي _ فرحيني معاكي يا ستي اللي مفرحك كده مسكت ايده وحطتها علي بطني : وأخيراً بعد تعب ١٠سنين وعلاج وعمليات حققنا حلمنا وشايله في بطني حته مننا =قصدك..... انت حامل هزيت رأسي بمعنى ايوه شالني من الفرحه وعينه دمعت وفضل يضحك كتيرر وشالني ولف بيا وكان هيطير من الفرحه _ انا فرحانه اوي يا يوسف، الحمدلله ربنا استجاب لدعوتنا = و انا فرحان اكتر يا قلب يوسف و تحلي الدنيا و انا جمبك وفي ضمتك تستكين أوجاعي ? سلاماََ علي من ظل بجوارنا ولن يمل ?

Free reading for new users

Scan code to download app

App Store Google Play

Facebookexpand_more