HINDI ko na pinatulan ang sinabi ng demonyo kahit umanting ang mga tainga ko. Tumalikod na lang ako habang napapailing. Nahihilo na ako sa antok. Hindi ko alam kung kaya ko pang magising ng ala sinco bukas ng umaga.
I-take ko na lang ang punishment kahit ma-late ako para makapagpaghinga lang. Mas importante pa rin na may mahaba akong tulog. Gagawin ko ang mga parusa ng kalabaw basta nagkaroon ako ng sapat na pahinga.
Pagdating ko sa bahay, naka-tulog na sa kakahintay ang anak ko. Humiga na ako sa tabi n’ya at hindi na naka-bangon pa. Walang bihis-bihis. Shutdown na shutdown ang katawan ko.
PAGSAPIT ng umaga, unti-unting nagising ang diwa ko dahil sa ingay ng mga ibon na dumadapo sa balcony. Sinubukan ko pang bawiin ang antok ko pero hindi na ako maka-tulog ulit.
Nang minulat ko ang
