ISANG araw din ang tinagal bago kami nakarating sa syudad na sinasabi sa ‘kin ni Jessie. Napansin kong maraming pinagkakaiba ang lugar na ito kaysa sa aming pinanggalingan. Mas sibilisado. Matatarik ang mga buildings, maayos ang mga infrastructure, maraming mga gusali at higit sa lahat, ang daming tao.
Ang ibig sabihin lang nito, hindi ako mahihirapan na mag-hanap ng trabaho dahil kahit naman siguro high school graduate ako, may job opportunities naman para sa mga tulad ko. Kahit ano pa ‘yan, basta marangal. Iyon nga lang, maliit lang ang sahod.
Bumibiyahe kami papunta sa bahay ng sugar daddy ni Jessie. Nasa loob kami taxi. Ang sabi n’ya sa ‘kin, may pick up truck daw na kukuha ng aming mga bagahe. Iniwan kasi namin sa terminal dahil hindi namin ‘yon kayang dalhin.
Ang anak ko, heto,
