"SANA ay makadalaw ulit kayo sa susunod, Yzaak at Cesca. Nag-enjoy ang mga bata sa pakikipalaro sa inyo." binalingan ni Sister Marie si Yzaak. "Maraming salamat rin sa mga pasalubong, hijo. Pagpalain ka pa nawa ng Diyos." kimi lang ngumiti at tumango si Yzaak sa madre.
"Sige ho sister, mauna na ho kami." pagpapaalam ni Yzaak. Matapos nila magpaalam sumakay na sila sa kotse ng lalaki. Ilang sandali pa nasa biyahe na sila. Nagtaka pa siya nang mapansin na parang iba ang dinadaanan nila. Hindi na lang niya iyon pinansin sa pag-aakalang magsho-short cut lang ang lalaki ng daan.
"Why are we here?" natatawang tanong niya kay Yzaak nang i-park nito ang sasakyan nito sa isang amusement park. Pagkatapos kasi nilang pumunta sa ampunan, hindi niya akalain na doon siya dadalhin ng lalaki. Akala ni
