Inis na pinitik ko ang sariling noo. Mali iyong ginawa namin ni Agassi, mabuti na nga lang nagulat kaming pareho sa pagkahulog ng takip ng kaldero nila Doris, kaya mabilis kaming naghiwalay.
Pulang-pula ang mukha ko no'n at hindi na nakuhang tignan ito. Kahit nang nagpaalam ito ay nanatili na lang ako sa kusina kagabi.
"Napaano ka?" takang tanong ni Mama nang makita n'ya ang ginawa ko. Bago ligo ito, mukhang ginamitan n'ya ng mga make up ang mga pasa n'ya kaya naitago n'ya iyon ngayon.
"W-ala po." Sabay iwas nang tingin dito.
"Iiwan mo nga pala iyong natitira mo pang allowance para may magamit ako rito sa bahay." Para hindi na lang humaba ang usapan ay dinukot ko na lang ang wallet ko at kinuha ang ilang libo na natitira. Nang makuha nito iyon ay iniabot n'ya sa akin ang 50 pesos n
