Panay ang ngisi ko habang nakikipagtitigan kay Tan. Ako pa ba ang susuko? Ito ang unang nag-angas.
"Ano ba naman kayong mga bata kayo! Ang gwagwapo n'yo pero tignan n'yo iyong mga mukha n'yo, may mga bangas. Wish ko talaga i-uppercut kayo ng mga nanay n'yo sa tigas ng mga ulo n'yo." Nakasimangot na ani ni Nurse Anne.
Ginagamot nito ang mga bangas namin sa mukha.
Si Tan ang may pinakamalala dahil unang sapak ko pa lang ay todo bigay na.
"Mga proud na proud pa." Reklamo ni Nurse Louy, na s'yang naglilinis ng sugat ko sa labi. Tinignan ko ang nurse sabay kindat dito.
"Tantanan mo ako, Agassi, sinasayang mo itong mukha na ito. Magbagong buhay na kayo ha!"
May mga bangas din sa mukha ang mga kaibigan ko na sina Payro, Liam, at Kurt. Pero mas malala ang mga tama ng team ni Tan.
"Pagk
