"Kali, are you okay?" tanong ni Mayor sa akin. Linggo, pero may aasikasuhin ito. Maiiwan ako rito sa mansion kaya naman plano ko na lang umuwi.
"Opo." Sagot ko rito.
"Pasensya ka na, anak, ha."
"Unahin n'yo po iyan, M-ayor."
"Anong mayor ka d'yan? Ikaw talagang bata ka."
"P-apa pala."
"Anak, may ibibigay nga pala ako sa 'yo." Dali-daling lumapit si Ate Claire at inilapag ang isang card.
"Ate? Mayor?" takang ani ko.
"D'yan mo kunin ang mga kailangan mo. Huwag kang mag-alala, dahil walang limit iyan. Iyong allowance mo ay cash ko pa ring ibibigay para maiabot mo kay Mama mo iyong iba. Pero kapag may kailangan ka sa school, or kailangan mo mag-mall, ito na lang ang gamitin mo."
"Pero po..."
"Anak, alam ko namang gagamitin mo ito sa tama. Sige na, tanggapin mo na. Deserve mo ang
