Sofia
"Happy birthday, apo. Kumain na kayo. Nakahanda na ang mga pagkaen," nakangiting wika ng kaniyang lola nang makarating sila sa bahay nila sa Batangas. Kasama niya ang kaniyang boyfriend na si Adrienne ngayon dito sa kanilang bahay. Hindi puwedeng mawala ang kaniyang nobyo.
"Thank you po, la," nakangiting wika niya sa kaniyang lola. Nagmano siya sa kaniyang lola. Ganoon din si Adrienne.
"Hello, Adrienne. Come inside. Let's eat," sabi ng kaniyang lola na may punto pa ang pagkakasabi. Palagi nitong ini-English ang kaniyang nobyo kahit pa marunong naman si Adrienne na magsalita ng Tagalog.
Silang dalawa na lang ang hinihintay ng kaniyang pamilya. Tanghali na silang dumating sa kanilang lugar dahil sa traffic sa daan. Maaga siyang gumising para mag-prepare. Isinuot niya na rin ang k
