Sofia
Tanghali na ay hindi pa rin lumalabas ng kuwarto ang kaniyang nobyo. Ang kaniyang lolo't lola ay kakaalis lang ng bahay. Nagtungo na ang mga ito sa bukid nila. Kinatok niya ang pintuan nito. Pumasok na lang siya ng kuwarto nito dahil hindi naman naka-lock ang pinto nang hindi ito sumasagot sa tawag niya. Baka tulog pa ito. Pagpasok niya ay napansin niyang gumalaw ito sa pagkakahiga sa kama. Kaya niyaya niya na itong mag-almusal. Bago pa lumamig ang pagkaing nakahain na sa mesa.
"Love, kain na tayo ng almusal. Kaalis lang nina lolo't lola," aniya sa kaniyang nobyo na nakahiga pa rin sa kama. Ungot lang ang sagot nito. Matamlay pa rin ang kaniyang nobyo. Mukhang hindi umepekto 'yung masahe niya kagabi.
Nilapitan niya ang kaniyang nobyo at dinama ng kaniyang palad ang noo nito. Ina
