Sofia
"Okay ka lang ba, Sofi?" nag-aalalang tanong ni Kaori sa kaniya habang nasa loob sila ng kanilang classroom. Panay hilot kasi siya sa magkabilang sentido niya dahil masakit ang kaniyang ulo. Kanina pa talaga sumasakit ang kaniyang ulo bago siya pumasok sa eskuwelahan.
Tumango siya.
"Okay lang ako. Medyo masakit lang ang ulo ko," tugon niya sa kaibigan.
"Dapat hindi ka na pumasok. Uminok ka na ba ng gamot?"
"Hindi pa. Mamaya na lang pagkatapos ng klase natin. Saka may quiz tayo ngayon sa dalawang subject, 'di ba? Kaya ayokong um-absent."
"Puwede ka namang magpaalam kung hindi mo talaga kaya."
"Kaya ko naman. Saka sayang naman 'yung ni-review ko kanina. Gumising pa talaga ako ng madaling-araw dahil sa quiz mamaya."
Maaga siyang natulog kagabi. Mabuti na lang at nakatulog siya k
