ABALANG abala ako sa paglocate kung nasaan na ngayon si Galero. Tangna! Halos lalagpas na ang isang buwan sa paghahabulan namin. Alam ko na ngayong alam niyang may nailagay akong tracking device sa mga gamit niya dahil nililinglang niya ako kung nasaan siya ngayon. Lahat ng location na sinasabi ng device ay napuntahan ko pero wala akong naaabutan na Winx Galero at Lorette Alegron.
Ngayon kailangan ko silang hanapin sa sariling sikap ko. Gusto ko ng tapusin ang lahat dahil miss na miss ko na si Second, halos hindi ako nakakatulog gabi gabi dahil hindi siya mawala sa isip ko. Namamalayan ko nalang na umiiyak ako habang iniisip siya. Mag-isa lang ako sa hotel suite na ito kaya damang dama ko ang lungkot.
Nabitin sa ere ang mga daliri ko na abala sa keyboard ng laptop dahil sa nadinig kong d
