HALOS hapon na ng makadaong ang bangkang sinakyan namin patungo sa Isla Castillion, ang isla na pag-aari ng pamilya ni Second. Dito kami pansamantalang magtatago para masiguro ang kaligtasan niya. Ito ang dahilan kung bakit kinausap ko ang pamilya niya kagabi na agad namang sinang-ayunan ng matanda.
Ihinanda niya ang pribadong isla na pag-aari ng angkan nila para ilayo si Second habang ako ay aalamin ang motibo kung bakit galit ang kung sino mang taong 'yon sa kanya.
"Tara na." Aya ko sa kanya.
Isa isa niyang pinulot ang mga maleta niya at mga bag ko samantalang ako ay kinuha ang mga groceries good for one week. Isang linggo lang ang hiningi ko dahil ramdam kong sa loob ng pitong araw na iyon ay mahuhuli ko na ang salarin.
Kaming dalawa lang ang nandito kaya alam kong safe siya.
"Alam
