Kaagad na tinawagan ni Alex ang number ni Lindsay ngunit nanatili itong out of reach.
Mabilis na dumagundong ang t***k ng kanyang puso. Wala siyang ideya kung saan niya hahanapin si Lindsay ngayon.
Sinubukan niyang ipahanap kay Misty kung nasaan ang dalaga ngunit napag-alaman nila na lumiban sa klase ang kanyang nobya. Minabuti niyang magmaneho at pumunta sa bahay nito ngunit wala rin doon ang dalaga.
Ang pinakahuli niyang pinuntahan ay ang Retrorant. Doon niya nalaman ang lahat ng pangyayari mula kay Enero.
Napapikit siya at nagbilog ng kamao. Gusto niyang basagin ang mukha ni Rey ngunit sa isipan niya lang ito magagawa. Ang buong akala niya ay matitigil na ang kanyang tiyuhin sa kabaliwan nito para kay Lindsay, ngunit nagkamali siya. Kung kailan pagaling na ang dalaga ay saka naman s
