اتمنى ماتزعلوش إن بعض الفصول قصيرة ، انتو عارفين إنها مكتوبة فعليا ومش هقدر اغيرها .
إن شاء الله فى فصل تانى النهاردة بالليل أو بكرة الصبح إن شاء الله على حسب ظروفى ، استثنائى علشان الفصول القصيرة .
اسيبكم مع الفصل .
________
الخامس
وصل سويلم لمنزل عمته التى استقبلته بلهفة واضحة لا تظهر منها إلا نادراً ، رفع محمد حاجبيه بغيظ وهو يراها تقبل نحو ابن أخيها : فيك إيه يا جلب عمتك ؟ چرى لك إيه طمنى ؟
ابتسم سويلم بمجاملة : ماتفزعيش يا عمة أنى زين جدامك اهه .
ضمته بلهفة استسلم لها بخنوع ليحمحم محمد بغيظ : خلاص يا رحمة قدامك كويس اهو .
أشار لولده : خد ابن خالك يا حمزة يرتاح .
اقترب منه حمزة بود : تعالى معايا يا سويلم ..
ابتعد سويلم عن عمته برفق ليرافق حمزة للداخل بينما عجز محمد عن لومها وعجز عن وأد غيرته ليزفر بضيق ويتجه لغرفته بغضب تعجبت له لتلحقه بلا تردد وقبل أن تصل اوقفتها زينة : ماما
