MALIWANAG na nang magising si Amanda na napatili dahil sinabuyan lang naman siya ng malamig na tubig ng kasama niyang nakakulong sa selda!
“Oh my God!” tili nito na napabalikwas sa higaan nitong semento na may nalatagan lang ng karton.
Natawa naman ang dalawang babaeng kasama niyang nakakulong. Sinamaan niya ng tingin ang mga ito na sinugod!
“Who do you think you are, huh?!” singhal nito na sinabunutan ang isang babae!
“At lumalaban ka pa ha?” sikmat ng isa na sinabunutan itong napatili at daing!
Pinagtulungan siyang sabunutan ng dalawang babae na ikinabitaw nito sa babaeng sinabunutan niya at pilit inaalis ang kamay ng mga ito. Hinila siya ng dalawang babae sa sulok. Marahas na isinandal sa pader at sinikmuraan itong napadaing na napuruhan ang tyan niya! Nanghina si Amanda na napalu
