NAGULAT ang mag-asawang Thalia at Radson na mabungaran nila si Edward at Tirso na masayang nagkukwentuhan sa sala habang nag-iinuman!
"Daddy?! What brings you here po? Kayo lang?" magkakasunod na tanong ni Radson na inalalayan ang asawang makababa sa hagdanan.
Napangiti naman ang dalawang ama nila. Tumayo na muna sila at hinintay ang kanilang mga anak na makalapit. Habang tumatagal, lalong gumaganda si Thalia sa pagbubuntis nito. Bumagay dito na mas nagkalaman-laman ang katawan at bumilog bahagya ang mukha sa pagkakalaman ng pisngi nito.
"Nandidito rin ang mommy at mga kapatid niyo. Nagkanya-kanya nga lang. Natutulog pa kayo kanina kaya hindi na muna namin kayo ginambala," sagot ni Edward na yumakap at beso sa dalawa.
Gano'n din kay Tirso. "Good morning po, Dad. Kumusta po kayo?" wi
