Ngayon pa lang. Minimemorya na ni Trinity ang mga salitang sasabihin sa mga magulang at kapatid sa pagtatapat niya ng kanyang kalagayan. She is thirty-one years old and an independent woman. Ngunit sa kabila ng pagiging independent niya ay malaki pa rin ang takot niya sa mga magulang.
Hindi takot na baka saktan siya. Sobrang bait ng mga magulang niya, at sobrang mahal siya ng mga ito. Nag-iisa siyang anak na babae at nag-uumapaw na pagmamahal ang kanyang natatanggap mula sa mga magulang at mga kapatid. Natatakot siya dahil alam niyang masasaktan na naman niya ang damdamin ng mga magulang niya.
Napalingon siya sa kanyang kanang bahagi. Himbing na ang tulog ng anak niya. Napangiti siya. Tumagilid siya ng higa at humarap sa anak. Inangat niya ang isang kamay at marahan na dumapo iyon sa ul
