Talia POV
Mabilis akong nag-ayos at isinuot ang asul na shift dress na inihanda ni Kael. Hindi ko maikakaila na perpekto ang tabas nito sa akin, pero mas nangingibabaw ang kaba sa dibdib ko. Paglabas ko ng lounge, bumungad sa akin ang amoy ng bagong luto na kape at ang seryosong boses ni Daddy na nagmumula sa dining area ng suite.
"Nasaan ang anak ko, Kael? Sabi mo ay dito siya nagpalipas ng gabi dahil sa trabaho," dinig kong boses ni Daddy, bakas ang paghihinala.
"She’s just freshening up, Mr. Benitez. Relax. She worked late to finish the provincial report," kalmadong sagot ni Kael.
Pagpasok ko sa silid, agad na napunta sa akin ang tingin ni Daddy. Mabilis siyang tumayo at lumapit sa akin, hinawakan niya ang aking mga kamay pero ang kanyang mga mata ay nakapako sa pintuan ng lounge
