SI Carlo na ang sumama kay Fabio sa ospital. Umuwi naman sila sa mansiyon at hindi na natuloy ang gala sa ibang lugar dahil hindi na rin maganda ang pakiramdam ni Glenn. Tumawag din si Dr. Laurel at pinauuwi na sila. Pinagpahinga muna ni Stella si Glenn habang hinahanda niya ang bagong lesson plan.
Napasugod naman bigla sa manisyon si Dr. Laurel matapos mabalitaan ang nangyari kay Fabio. Tulog si Glenn nang dumating ito kaya hindi kaagad nakausap. Siya na lamang ang nagpaliwanag rito tungkol sa nangyari sa magkapatid.
“Where’s Fabio?” tanong ng ginoo.
Naroon na sila sa lobby.
“Dinala na po namin siya sa ospital, Doc. Baka kasi malubha na ang pinsala sa mga mata niya,” aniya.
Panay ang buntong-hininga ng doktor, hindi mapakali na palakad-lakad sa tapat niya. Hindi rin siya umupo bilan
