PAGBALIK ni Stella sa clinic ay kinabitan na ng oxygen si Glenn. Lalo siyang nag-panic nang mapansing tila namaga ang bandang dibdib at tiyan ni Glenn. Posible kayang naapektuhan ang dibdib nito dahil sa lakas ng impact ng tubig?
Hindi nga naman magandang bumagsak sa tubig na nakadapa. Sa swimming lesson niya, kailangang basagin ang tubig upang hindi masakit sa katawan kapag tumalon. Kaya palaging mga paa dapat ang mauuna. Ang taas pa naman ng pantalan.
“Ano, nakausap mo ba si Dr. Laurel?” tanong ni Carlo.
“Hindi niya sinasagot ang phone niya kaya si Papa ang sinabihan ko. Pupuntahan daw niya sa laboratory si Dr. Laurel,” aniya.
“s**t! Bilisan sana nila. Malayo ang hospital dito.” Natataranta na rin si Carlo.
“Ano na ang nangyari, Carlo?”
“Nailuwa na ni Glenn ang tubig pero apektado
