LUMUKLOK sa couch si Stella nang mahimasmasan. Wala pa siyang kinakausap ni isa sa magkapatid.
“May emergency ba? Bakit tumunog ang alarm?” curious na tanong ni Fabio, sumilip pa ito sa labas.
“Siguro,” labas sa ilong niyang sagot.
Nang mapansin na wala nang nakakabit na aparatos sa katawan ni Glenn, nilapitan niya ito. Sinalubong siya nito ng matamis na ngiti, mukhang may magandang balita.
“I’m going home na!” masayang batid nito.
“Talaga? Kailan naman?” Inalipin din siya ng pananabik.
“Tomorrow. But I asked Dr. Laurel if I could visit your house first, and he said yes. Basta raw kasama ang nurse at bodyguards ko.”
Tumabang ang kaniyang ngiti. Nagdesisyon na pala ito. “Nice. Nakausap ko na rin si Papa at pumayag siya na matulog tayo ng isang gabi sa bahay,” she said.
“Really? I wa
