MAINIT pa sa labas kaya sa loob ng mansiyon muna nag-explore si Stella pagkatapos kumain. Pinagpahinga naman ni Carlo si Glenn matapos mapainom ng gamot na suporta sa utak nito. Napadpad siya sa second floor, sa may malawak na fitness gym. Nakabukas lang ito kaya pumasok siya.
Kumpleto ang gamit sa gym, mula sa maliliit na body builder equipment. Meron ding kicking, punching bags, treadmill, steel bars. Natatanaw rin mula roon ang karagatan. May malaking poster si Glenn na nakadikit sa dingding. Larawan iyon noong nag-champion ito sa car racing.
Nang magsawa sa gym ay hinanap niya ang kuwarto ni Glenn. May limang bedroom sa second floor. Naabutan niya si Jessa sa pinakamalaking kuwarto at naglilinis. Kinatok niya ang pinto kahit nakabukas.
“Puwedeng pumasok?” tanong niya sa babae.
“Ay,
