MAGRE-REPLY sana si Stella sa mensahe ni Fabio pero nalaglag ang cellphone niya nang bigla siyang yakapin ni Glenn. Mabuti sa basahan nahulog ang cellphone. Pinulot niya ito at ipinatong sa mesita.
Napatili siya nang bigla siyang kilitiin ni Glenn. “Ano ba!” singhal niya rito, hinarap at pinigil ang mga kamay.
“What are you doing, huh?” natatawang tanong nito, pilit sinusundot ang kilikili niya.
“May binasa lang akong mensahe sa phone!”
“Mensahe? Paano ‘yon?” Tumigil din ito sa pangingiliti.
“Uh, mensahe mula sa ibang tao.”
“Huh? Nababasa mo sa phone? Akala ko ba call lang nagagawa sa phone.”
“Maraming puwedeng gawin sa phone. Puwede mo nga ring makita ang kausap mo, ma-record ang mga videos, gumawa ng videos, kumanta.”
“Ah, kaya pala may video sa phone ni Gaspar. Alam mo bang mara
