MALAPIT na sa katotohanan si Stella tungkol sa totoong nangyari kay Haru. Kahit kasi ang pamilya ni Haru ay walang ideya kung ano ang kaganapan sa buhay ng yumao niyang kaibigan bago nawala. Huling update lang niya noon ay opisyal na ngang miyembro ng fraternity si Haru at may mga nagawa nang activities. Masaya pa nga ito dahil nakakuha ng scholarship.
Maaga pa lang ay nasa study room na siya at hinintay si Glenn. May bago silang topic na isa sa suhesyon ni Dr. Laurel na aralin ni Glenn, ang tungkol sa mga bagay na never nitong pinagka-interesan katulad ng gawaing bahay, pagtatanim ng halaman, at kung anong usual na gawain ng karaniwang tao.
Nagpupunas siya ng salaming dingding nang masipat niya si Leslie, naglalakad sa gilid ng pool at may kausap sa cellphone. Sobrang iksi ng pants nito
