بارت20

1515 Words

بعد عده ايام وبدون احداث مهمه تذكر ماعدا تقرب مراد وحازم لمي و دانا في النادي دانا : بس مكنتش اعرف انك بتكرههم كدا انا افتكرت انك قريب منهم انت واختك وبتحبهم حازم :احب مين بقولك كانوا سبب ف غربه امي وابويا وحرمان امي من ورثها وف الاخر اخدونا نعيش معاهم شفقه بس اللي معملتش حسابه ان اختي تحب شمس وتبيعني انا بكرههم ونفسي اشوفهم عايشين اسوأ ايام حياتهم دانا : متقلقش سيب اسوأ ايام حياتهم عليا وروق دمك كدا حازم :قصدك ايه دانا :متقلقش هتعرف كل حاجه ف ميعادها متعرفش مراد ومي اخرو ليه حازم : اكيد زمانهم ف الطريق ............. في سيارة مراد مراد : بس ياستي ودي قصه حازم كلها مي : انا مش مصدقه يعني حازم بيكره شمس وانت كمان بتكره شمس يابني اللي يشوفكم يقول انكم اخوات مش صحاب مراد :عادي يابيبي انا وحازم كل واحد فينا مصلحته مع شمس مختلفه حازم ومصلحته ورث والدته وانا الصراحه زهقت من دور ظل شمس دايما بعده ف كل حاجه محسسني انه بيعطف عليا بشغله ليا مع اني يعتبر شايله الشغل كله انا نفسي اشوفه خسران ولو لمرة ف حياتي لانه دايما بي**ب مي : عارف وانا كمان مش بحبه هو ولا اخته شايفين نفسهم ومنفوخين ع الفاضي والله حلال اللي عملناه فيهم مراد : عملته ايه مي : ها. ولا حاجه مراد : بتخبي عليا يعني مش واثقه فيا المفروض هنتجوز ولسا مش واثقه فيا مي : لا ابدا يابيبي والله خلاص هحكيلك بس وعد السر يفضل بينا علشان دانا لو عرفت اني قولتلك حاحه هتقتلني مراد وقد علم انها علي وشك ان تعترف بكل شي فقام بفتح الهاتف والتسجيل لها مي : بص ياسيدي من فترة دانا اتصلت بيا وقالتلي ان طلعلهم ولاد عمتهم وانها مش طايقه حد منهم وبعدها بفترة كلمتني وكانت متعصبه بسبب صد شمس ليها ف قولتلها مالعادي بتاعه دا قالتلي لا مش زي كل مرة المرادي ملاحظه انه بيتقرب لبنت عمتهم اللي هي لي لي واحرجها كذا مرة قدامها ولميس شمتت فيها واتفقنا اننا نكره شمس فيها قبل م يفكر يحبها بس للاسف شمس كان زي ظلها هو واخوها برا المستشفي والبيت ف مجتلناش فرصه نعمل حاجه وبعدها بفترة برضو كلمتني وكانت مش طبيعيه وبتقولي هيكتبوا كتابهم مش قولتلك هيحبها وفضلت تقول كلام كتير كدا وف الاخر قالتلي انا لازم ا**ر فرحته بيها ومش هتخلي كتب الكتاب يتم وانها سمعت ان شمس كان خانق ف النادي مع واحد وضربه بسببها ف قابلناه وعرفنا انه نفسه ينتقم منه بس جبروت شمس الجبالي غني عن التعريف ف خاف ونسي الموضوع بس دانا اقنعته ان محدش هيعرف حاجه واتفقنا اننا هنخطفها يوم كتب كتابها بس ساعه كتب الكتاب شمس كان مشدد الحراسه كأنه حاسس باللي هيحصل المهم معرفناش ننفذ الخطه دي ساعتها قررنا نغير الخطه خالص او بالاحري دانا قررت دا وبعتتلنا ع التليفون رساله لكل واحد و اتفقنا مع الشخص اللي ضربه شمس انه يلبس زي الخدم ويقدم المشاريب عادي ويدلق العصير علي فستان لي لي ودا اللي قدرنا نقنعه بيه لانه خاف يتورط اكتر من كدا بس مكنش ينفع نجيب غيره علشان مايبقاش حد ماسك علينا حاجه واول م لي لي طلعت فوق هي ولميس انا دخلت بحجه الحمام وطلعت فوق ولحسن الحظ ان كل دور ليه كهرباء منفصله بيه ودا دانا كانت عارفاه وعارفه المكان ووصفتهولي وفصلت الكهرباء عن الدور ودخلت الاوضه بسرعه وضربتها بالسكينه بس ضربه تعور مش تموت علشان نبوظ اليوم بس بما اننا معرفناش نلغي كتب الكتاب ف كفايه ن**ر فرحتهم ونوجع قلب شمس علي حبيبه القلب وبعد م ضربتها خرجت بسرعه وشغلت الكهرباء بس استخبيت ف حمام لحد م الدنيا تهدي وبعدين خرجت وطبعا محدش شاف حاجه ولا شك ف حاجه مراد : ياولاد الايه ايه دماغ الشياطين دي بس دانا وعرفت دافعها انما انتي ليه تعملي كدا وتحاولي تقتلي واحده متعرفيهاش مي : اولا محاولتش اقتلها كل الموضوع جرح يخوفهم وينكد عليهم بس وبالنسبه لدافعي ف لو عليا كنت اعمل كدا ف لميس وشمس بس للاسف انا كان لازم امشي ع كلام دانا علشان متبعنيش لميس حاولت اقربلها كتير ودايما كانت تعاملني وحش وبتكبر ف اتقربت لدانا طلعت نفس الدماغ وشمس حاولت كتير اتكلم معاه ف النادي بس طلع زي اخته وكان بيتعامل زيها بقرف وتكبر حسيت انهم مش شايفني من مقامهم مراد : روقي دمك يابيبي المهم من هنا ورايح تحكيلي اي حاجه دانا تقولك عليها علشان اخاف توقعك ف مصيبه وف الاخر انتي اللي بتعملي مش هي مي :ماشي يابيبي بس زي م اتفقنا السر ميطلعش برانا مراد : اكيد ياروحي يلا انزلي وصلنا النادي دانا : مالسا بدري مي :الطريق كان زحمه ف اخرنا معلش حازم : طب انا هستأذن كويس سلمت عليكم قبل م امشي مراد : ايه ياعم هي اذا حضرت الشياطين ذهبت الملائكه ولا ايه حازم : ابدا بس مصدع شويه هروح انام وابقي عدي عليا بليل مراد : ماشي وقام حازم بتوديعهم ومن بعده دانا ومن بعدهم مي ومراد كل منهم ذهب لبيته وفي المساء في منزل عزام حازم مهاتفا مراد : انت فين يابني مراد :خلاص داخل عليكم اهو وبعد دقائق وصل مراد ووجد حازم بإنتظاره مراد :اومال فين شمس حازم : اهو جاي هناك اهو شمس : من غير تضييع وقت كتير علشان عندنا شغل الصبح كل واحد يقولي عمل ايه مراد : انا عن نفسي اللي طلبته مني نفذته واخرج الهاتف واسمعهم تسجيله لمي شمس بغضب:ياولاد ال....... والله هدفعكم التمن مراد :اهدي بس علشان نفكر هنعمل ايه شمس : هوديهم ف داهيه حازم مقاطعا : اسمعوني بقي انتو الاتنين محدش هيعمل حاجه شمس : انت بتقول ايه حازم وقد قص عليهم مادار بينه وبين دانا حازم : بنت عمك مش ناويه علي خير ولازم نجيب اخرها واخرها هنعرفه من مي لانها اللي بتساعدها ودي علي مراد لانه طلع ليه ف صنف الستات كويس وعرف يضحك علي مي مراد : ماشي سيبوها عليا اكيد هتحكيلي لو دانا قالتلها ع حاجه شمس : ماشي ياحازم بس كدا حسابهم بيتقل حازم : شمس دي اختي قبل م تبقي مراتك بس العقل بيقول نفضل ماسكين اعصابنا لحد م نعرف ناويين علي ايه شمس :انت عرفت اسم الشخص اللي اتفقوا معاه يامراد مراد :انساه ياشمس دا ضعيف وجبان وخايف منك والا كان طاوعهم ف اكتر من اللي عمله المشكله هي بنت عمك شمس : ماشي انا هقوم انام علشان تعبان النهاردة الشغل كان كتير مراد : واحنا مالنا مش كنا بنعمل اللي قولتلنا عليه شمس : ياعم انا اتكلمت بقول رايح انام سلام وتركهم وذهب لغرفته ومن بعده مراد هو الاخر ذهب ايضا وبقي حازم بمفرده ف الحديقه شاردا يفكر فيما تخطط دانا لأذيه اخته وعائلته وبعد مده اتت لميس وجدته علي حالته هذه لميس: احم احم اللي واخد عقلك يابن عمتي حازم : ها لميس: ها كمان دا انت ضايع خالص حازم :لا ابدا كنت بفكر شويه لميس:مالك شكلك زعلان ليه احكيلي حازم :متقلقيش انا كويس لميس : لا مش كويس بس علي راحتك ع اذنك يابن عمتي حازم ممسكا يدها : خلاص اقعدي ياساتر عليكي وبطلي ابن عمتي دي لميس :يبقي احكي حازم وقد قص عليها كل ماحدث لميس بصدمه :ياولاد ال...... توصل للقتل يادانا قتل ومين لي لي اللي مشوفتيش منها حاجه وحشه حازم : مراد قال ان مي بتكرهك انتي وشمس علشان كدا ساعدت دانا لميس: انا مش وحشه ياحازم انا اه ابان مغروره ومش بيعجبني حد بس صدقني بابا وماما علموني الصح والغلط ومعرفتي لمي كانت هاتبقي غلط لانها مش زيي هي منفتحه بطريقه مؤذيه ليها وانا مش كدا انا اه مش محجبه ولبسي مش محتشم زي لي لي مثلا بس للاسف انا اتربيت ف وسط كله كدا بس القيم ف اتزرعت فيا علشان كدا رفضت انها تقربلي وشمس صدها كتير برغم انه يمكن ميعرفش حاجه عنها غير انها صاحبه دانا بس زمان شمس كان رافض فكرة البنات تماما لحد م لي لي دخلت حياتنا وغيرته حازم :تعرفي اني فخور بيكي لميس ضاحكه:ليه يعني حازم :علشان تفكيرك دا انتي ع طول بتهزري مجتش فرصه اشوفك بتتكلمي جد كدا لميس: يابني انا اعجبك برضو حازم :عارف لميس بخجل :عارف ايه حازم :انك تعجبيني مش بنت خالي لميس بغيظ :تصدق انك مستفز ومتزعلش لما اقولك ابن عمتي تاني وزي شمس كمان ع اذنك ياخوياااا حازم ممسكا بيدها بجديه : اخر مرة اسمع اخويا دي يالميس لميس :م انت اللي بدأت حازم :بس الاخوة مافيهاش هزار لميس : خلاص متزعلش حازم :ممكن اتكلم معاكي ف حاجه لميس : خير حازم :انتي ليه مفكرتيش تتحجبي لميس :مين قال مفكرتش فكرت كتير بس ملقتش حد يشجعني حازم : انا مستعد اشجعك لميس : علي فكرة لي لي كلمتني ف الموضوع دا من كذا يوم ووعدتها افكر ونتكلم تاني حازم : طب فكرتي لميس : انت عايزني البسه حازم : الصراحه اه لميس :ليه حازم : مش هقولك علشان بخاف عليكي زي لي لي لاني زي م قولتلك احنا عمرنا ماهنكون اخوات ف خوفي عليكي من نوع تاني بس برضو عايزك تلبسيه بإقتناع ودلوقتي مينفعش اقولك البسيه لان مليش حق ولا صفه حاليا لميس : صفتك ابن عمتي حازم :يابارده لميس:يابني انت متبري مني ولا ايه هههه حازم : متبري من طول لسانك لميس:دا انا عسل حتي حازم :طيب يا عسل عايزك تفكري تاني ف الحجاب لميس : حاضر انشاء الله يلا قوم نام علشان وراك شغل حازم :هتروحي الجامعه لميس: والله مش عارفه لو صحيت بدري هروح ولو لا هنام كالعاده ههههه حازم :يخربيت النوم اللي واكل نص يومك دا يابنتي لميس : يابني دي قدرات ايش فهمكم انتم ههههه حازم : طب قومي ياقدرات تصبحي علي خير لميس : وانت من اهل كل حاجه حلوة ......

Free reading for new users

Scan code to download app

App Store Google Play

Facebookexpand_more