شمس الليل

بارت 18

في شركه عزام الجبالي

شمس : ابعتيلي مراد وحازم ياداليا

داليا : تحت امرك يافندم

وبعد قليل من الوقت اتي حازم ومراد

مراد : خير ياريس

شمس : اقعدو الاول

بصو ومتسألوش حاجه

انا تقريبا عرفت مين عمل كدا ف لي لي

وعايزكم تساعدوني

حازم بحده : مين ابن الكلب دا

شمس : اهدي الاول ياحازم لي لي اختك ومراتي برضو يعني مش هسيب حقها

مراد : بس احنا شوفنا الكاميرات ومشوفناش حد قرب من القصر غريب

شمس : علشان اللي عمل كدا مش غريب

حازم : قصدك ايه ان حد من البيت عمل كدا مافيش غيري وغيرك ولميس وبابا وماما ومستحيل حد يفكر يأذيها

شمس : انا قولت مش غريب ماقولتش من البيت

مراد : كفايه الغاز وقول شاكك ف مين

شمس : دانا

حازم بعدم تصديق : دانا بنت خالي عادل

طب ليه

هي اه واضح مش بتحبنا لا هي ولا ابوها بس مش لدرجه تحاول تقتل اختي

شمس : اهدي واسمعني كويس انت ومراد

الكاميرا كان فيها حاجه غريبه

انا صح مخدتش بالي ف الحفله بس تسجيل الكاميرات خلاني افتكرت

فاكر لما كنا ف النادي ورجعت انت ولميس ولقيت الجو مشحون بيني وبين لي لي وعرفت اني خانقت مع حد ضايقها

حازم : اه بس ايه العلاقه

شمس : اللي خانقت معاه هو ليه العلاقه

لانه كان من طقم الخدم اللي جم للحفله علشان الضيوف وتحديدا هو اللي وقع العصير علي فستان لي لي بس الدوشه وفرحتي بيها خلتني انا وهي مركزناش ف الشخص

والكاميرا برضو جابتو وهو بيتكلم مع مي صاحبه دانا

ومحدش يقول صدفه لان النادي بتاعنا مش بيدخلوا غير كبار البلد مش واحد هيشتغل جرسون

ووقفته مع مي مش مريحه

وبعد الصوات بتاع لميس والجو اتقلب مي طلعت من القصر ومشت علي طول

وانت طبعا ياحازم عارف ان محدش من الضيوف دخل القصر كلهم ف الجنينه وكتب الكتاب ف الجنينه

بس برضو لازم اتأكد قبل م اتهم دانا انها ورا كل دا بس عايز اعرف ايه علاقه الشخص دا بيها

مراد : وانت عايز مننا ايه

شمس : انت تعرف مي يامراد ولانك عضو ف نفس النادي عايزك تروح كتير اليومين دول وتقابلها وتخليها تثق فيك او بالاحري انها وقعتك وانك حبيتها لحد م تحكيلك كل حاجه ودا مش هيحصل غير لما تتأكد انك بتكرهنا ف مش هوصيك بقي تتكلم عليا ازاي ودي اللي معاها الموضوع كله ولو خلتها تحكي هتبقي وفرت كتير وهنعرف ايه علاقه الشخص دا بيهم

وانت ياحازم عارف ان الطلب اللي هطلبه رخم بس لازم نعمل كدا

حازم : انا مستعد اعمل اي حاجه علشان لي لي ياشمس انا مليش غيرها

اطلب عايزني اعمل ايه

شمس : دانا

حازم : مالها

شمس : قرب منها عارف انك مش بتطيقها وهي بتكرهنا بس لازم تقربلها وتحببها فيك علشان نعرف ف دماغها ايه وتبعد عن لي لي لحد م مراد يجيب اخر مي

حازم : مافيش غير الحل دا ياشمس حل مافيهوش حب علشان مينفعش

شمس وقد فهم : عارف انه مينفعش بس اتطمن الناس هتقدر اللي عملته

حازم بحرج : ناس مين مقصدش ناس انا بتكلم ف مبدأ

شمس مبتسما : انا فاهمك ياحازم بس انا مضطر مافيش غيركم اثق فيهم انا مينفعش اقرب لحد بنفسي علشان هيشكوا فيا واختك تقتلني فيها

حازم ضاحكا : مجنونه وتعملها

حازم لنفسه : وانا هعمل ايه مع المجنونه بتاعتي ربنا يستر

شمس : مش وقت سرحان ركز

حازم : ها ماشي خلاص

شمس : تمام من بكره تبدأو

ومر اليوم ورجع شمس لمنزله ليجد الممرضه واقفه ف الحديقه وتتحدث ف الهاتف

شمس بصوت جاهوري : انتي بتنيلي ايه هنا ومش شايفه شغلك ليه اومال انا جايبك هنا ليه

حال انك يعتبري بتشتغلي نص يوم

الممرضه بخوف : ابدا يافندم والله عطيت الدكتورة ادويتها واتطمنت علي الجرح وجاتلي مكالمه ف نزلت ارد

شمس : اتفضلي خدي حاجتك وماشوفش وشك هنا تاني

الممرضه برجاء : اخر مرة يافندم دي دكتور هنا تعملي خصم فيها

شمس بحجه : لو مامشتيش من قدامي هيبقي فيها رفد اتفضلي

وتركها تأخذ اشياءها وصعد لغرفته

شمس : وحشتييييييييني

لي لي : انا زعلانه منك

شمس : ليه بس

لي لي : مشيت الصبح ليه من غير م تصحيني واشوفك

شمس : كان شكلك تعبان ياحبيبتي ف مرضتش اصحيكي

لي لي : لحد م ارجع اوضتي لازم تصحيني قبل م تمشي ونفطر سوا كمان

شمس : اوامر معاليكي يافندم

وقام بتقبيل جبينها

لي لي : طب غير هدومك يلا وصلي لحد م الغداء يجهز ومش عايزاك تسيب فرض من هنا ورايح

شمس : حاضر ياحبيبتي المهم انتي عامله ايه والجرح هتفكي الخياطه امتي

لي لي بمزاح : قوام لحقت تزهق مني وبعدين الجرح لسا قدامه اسبوع كمان علشان افك الخيط

شمس : ازهق من مين انا عاتل هم اليوم اللي هترجعي اوضتك فيه لاني مبقتش اعرف انام غير وانتي ف حضني

لي لي : وانا كمان مبقتش ارتاح غير ف حضنك بس مينفعش افضل هنا ع طول ولازم ارجع اوضتي

فأتحمل لحد الفرح

شمس : انا لو عليا اعمل الفرح بكرة بس انتي وافقي

لي لي : قريب ياحبيبي انشاء الله

شمس : انتي اتغديتي ولا لسا

لي لي : اه علشان العلاج

شمس : ماشي بس برضو هتاكلي معايا من هنا ورايح برضو مش هاكل غير وانتي بتاكلي معايا

لي لي : ماشي ياروحي يلا صلي وتعالي علشان تتغدا وتنزلني الجنينه بالمرة علشان زهقت من الاوضه عايزة اغير هواء

شمس : ودا غلط ولا صح ليكي

لي لي : متنساش اني دكتورة ولو نزولي في خطر مش هطلب

شمس : ماشي ياحبيبتي استني هصلي وجاي

وبالفعل م ان انتهي شمس من صلاه فرضه وجدها تتطلع اليه بحب ظاهر مما جعله يبتسم

شمس : احم بصالي كدا ليه

لي لي : علشان مش مستوعبه انك بقيت جوزي وف اوضه واحده وبتصلي كمان قدامي انا بحبك ياشمس بجد بحبك جدا جدا

شمس وقد ذهب لها : وانا بحبك ياعيون وقلب شمس وبعدين كفايه حب علشان متهورش واعمل حاجات هموت واعملها الصراحه

لي لي ضاحكه : خلاص الطيب احسن هاتلي بقي حجابي البسه

وقد ساعدها شمس لكي تلبس حجابها لتنزل وقام بحملها

لي لي : نزلني انا بقيت كويسه والله واقدر امشي

شمس : لا لسا الخياطه موجوده لما تتشال واشوفك مش بتتوجعي هابقي اتطمن

لي لي : ماشي بس بسرعه علشان محدش يشوفنا

شمس ضاحكا بصوت عالي : فصلتيني ياشيخه يابنتي انتي مراتي هقعد اقولهالك لامتي

لي لي : الله ضحكتك حلوة

شمس : مش احلي من ضحكتك اللي بتنورلي حياتي وانتي سبب ضحكتي لانها مكنتش موجوده قبلك لدرجه اني نسيت بيضحكوا ازاي

لي لي : احم خلاص خلاص انزل يلا

وما ان وصلوا لحديقه المنزل

شمس : ثواني بقي هاقولهم يجيبولنا الاكل هنا

لي لي : ماشي متأخرش عليا

شمس مقبلا جبينها : حاضر ياحبيبتي

وبعد ان تناولوا الطعام

لي لي : اومال فين الممرضه مشت بدري من غير م اشوفها ليه

شمس : طردتها دي مهمله سيباكي وبتتكلم ف الموبايل تحت

لي لي : حرام عليك ياشمس هي شايفه شغلها كويس كدا هتتسببلها ف مشكله مع هنا

شمس : ميهمنيش حد غيرك انا مستعد اقتل لو حد فكر يهوب ناحيتك تاني

لي لي : متقولش كدا تاني ممكن

حبك ليا يخليك حابب نكمل سوا ويبقي لينا اسرة

مش لازم يكون سبب ف اي اذي

شمس مقبلا يدها : ربنا يخليكي ليا ويلا خفي بقي علشان تحددي الفرح

لي لي : بس عايزة فرحي مع خطوبه حازم علشان اتطمن انه لقي شريكه حياته

شمس : وانتي حاطه ف دماغك واحده معينه يعني

لي لي : الصراحه اه وحاساهم هما الاتنين معجبين ببعض بس بيكابرو

شمس : وانا حاسس برضو بكدا

لي لي بدهشه : وانت عارف قصدي ع مين

شمس : اه عارف ومتعتليش هم من ناحيتي انا موافق وبابا وماما مش هيعارضو المهم هما

لي لي : متجوزة ظابط ياخواتي

شمس : اومال ياروحي

اه بالحق افتكرت

لي لي : خير

شمس : بابا كان قايلي من فترة انه حابب يعمل عمرة هو وماما وانا ولميس بس كل الاحداث اللي حصلت مؤخرا خلتني نسيت خالص ف قررت احجزلهم هما الاتنين الاسبوع الجاي وانا وانتي وحازم ولميس نسافرلنا يومين الساحل وتبقي فرصه لحازم ولميس يحددو عايزين ايه ونبقي نروح سوا نعمل حجه وعمرة انشاء الله

ها ايه رأيك

لي لي : طبعاااااا موافقه فكرة حلوة جدا ربنا يخليك لينا ياحبيبي

شمس : يابنتي مش تناديني بحب تاني علشان مش متعود ع كدا

لي لي : اخص عليك بقي انا كنت شريرة للدرجادي

شمس : الحقيقه اه كنتي زي الصاروخ مبيقفش بس بعد كدا لقيتك اجمل واحن واحلي واحده ف الدنيا

لي لي : وانا برضو كنت شايفاك انسان باااارد وهمجي ومتخلف بس بعد م اتقربتلك عرفت انك اطيب واحن واحلي راجل ف الدنيا واني محظوظه لانك بقيت راجلي انا وجوزي انا بس

شمس : انا ممكن اطلب منك طلب

لي لي : اؤمر يافندم

شمس: ممكن بعد م تتحسني وتفكي الخيط متنزليش الشغل مؤقتا لحد م اتطمن ان مافيش خطر حواليكي

لي لي : ليه بس ياشمس متخفش وبعدين انا مش واخده ع قعده البيت وبحب شغلي

شمس : طب هقولك حلين مؤقتين الاول تيجي معايا الشركه بصفتك مراتي وهتبقي معايا ف المكتب لحد م اخلص شغل ونروح

لي لي : والتاني

شمس : التاني انك تيجي الشركه بصفتك دكتورة الشركه وليكي مكتبك او عيادتك ع حسب م تسمي لحد م اتطمن واحل كل حاجه ساعتها عايزة ترجعي عند هنا مكانك محفوظ عايزة تفضلي مع جوزك حبيبك وبرضو هتبقي بتشتغلي جنبي وف الاخر الشركه زي م ليا فيها ف هي ليكي برضو

ها قولتي ايه

لي لي : لو دا هيبسطك انا موافقه بس مؤقتا زي م قولت وبعدها انا اقرر

شمس مقبلا يدها : وانا عند كلمتي

لي لي : ماشي يلا طلعني فوق بس وديني عند لميس لاني باقيلي كتير مشوفتهاش

شمس : ماشي ياحبيبتي يلا

في غرفه لميس

لميس : اتفضل

لي لي : قولت اسأل انا طالما ف نفس البيت ومش بشوفك

لميس وقد قامت لاحتضانها : حقك عليا بس ماحبيتش اتعبك قولت اسيبك ترتاحي وانشغلت شويه ف المذاكره

سيبك مني المهم انتي اخبارك ايه

لي لي : كويسه ياحبيبتي

شمس م تروح ترتاح ف الاوضه شويه لحد م اتكلم مع لموسه شويه واجي

شمس : بتوزعيني علشان لميس دي اخرتها

لي لي : مقدرش ياجوزي ياحبيبي

شمس : اتريقي اتريقي عموما ماشي بس متأخريش

لي لي : حاضر

وتركهم وخرج

لي لي : مالك بقي مختفيه ليه

لميس : مفيش بس حبيت اريح دماغي شويه واسيبك ترتاحي من رغيي كمان

لي لي ممسكه يداها : احنا مش اتفقنا من اول يوم ليا ف البيت اننا صحاب واخوات ومنخبيش حاجه

لميس : طبعا

لي لي : طب احكيلي ايه مغيرك كدا

لميس : بصي انا اول مرة احس اني تايهه ومتلغبطه

لي لي : انا حاسه بيكي بس هسألك سؤال علشان اريحك

لميس : قولي

لي لي : انتي حاسه ان الشخص اللي معتبراه مهم مش حاسس ومش شايفك

لميس : انتي ازاي عرفتي اني بفكر ف كدا

لي لي : مش مهم ازاي انتي اختي ف طبيعي اعرف

اسمعيني

الشخص دا برضو عنده نفس المشاعر اتجاهك بس خايف

لميس بإحراج : تقصدي مين

لي لي : اللي قصدك عليه ومن غير لف ولا دوران بنتكلم عن حازم

بصي ياحبيبتي حازم اخويا اللي باقيلي من ريحه بابا وماما طبعا بجانبكم

هو راجل ويعتمد عليه عيبه انه عصبي شويه بس ملاحظه من ساعه موت بابا وماما وهو اتغير شويه وبقي اهدي

هو بيحبك واخويا وانا عارفاه

بس خايف من الفقد تاني

انا كنت زيه بس شمس اخوكي تقريبا غفلني هههههه

لميس : طب اعمل ايه

لي لي : قريب هنسافر الساحل شمس قالي كدا من شويه لان بابا وماما هيروحو يعملوا عمرة

ف سيبيها لظروفها هناك هابقي اقولك تعملي ايه ساعتها

لميس : ربنا يخليكي ليا ياليلو

لي لي : ويخليكي ليا ياروحي اما اقوم بقي اروح لاخوكي علشان ممكن يخاصمني فيها لو اخرت هههههه

لميس : ماشي وبكره نسهر ف الجنينه مسهرناش من زمان ولا لعبنا

لي لي : ماشي ياحبيبتي يلا سلام وفكي كدا

لميس : سلام

وتركتها وذهبت لغرفه شمس

لي لي : اخرت عليك

شمس : تعبان ومش عارف انام من غيرك

لي لي : مالك

شمس : متقلقيش شويه صداع

يلا تعالي علشان انام

لي لي : انت كنت بتتكلم بجد بقي لما قولت مبقتش تعرف تنام الا وانا ف حضنك

شمس : اومال بهزر

لي لي : خلاص متزعلش يلا ارتاح

وبالفعل قامت باحتضانه وخلدا للنوم

..................