Chapter 12
ELAYZA
Isang malakas na sampal ang lumipad sa mukha ni Sir Arc. Napatingin si Sir Arc sa gilid. Kitang-kita ko ang pagkagulat sa mga mata niya pero mas lalo akong nabigla sa ginawa ko.
Nang sampalin ko siya ay saktong bumukas ang pinto ng maid's quarter at doon napasinghap si Ate Lara.
Sandaling namayani ang katahimikan sa paligid.
"How dare you!" Si Sir Arc ang bumasag ng katahimik. Dumagundong ang galit na boses niya sa buong mansion. "Bakit mo ako sinampal?!"
Para akong hihimatayin sa nerbyos ng mga oras na iyo. "Ah-Ahm... s-sir... s-sorry, h-hindi ko sinasadya."
Akmang susugurin niya ako pero inawat siya ni Ate Lara. "Sir, tama na po."
"Wala kang karapatan para sampalin ako kasi katulong ka lang dito! You never respect me!" galit na sigaw niya habang pilit na tu
