Pagkatapos ng usapan namin ni Sir Sam, pinanindigan ko iyon. Ni-block ko na siya sa aking mga social media accounts.
Simula nang araw na iyon, hindi na ako kinausap ni Sir Sam. Siguro dahil nirerespeto niya ako. Nagkikita pa rin kami lagi pero hanggang tingin na lang ako ngayon.
Ginugugol ko ang oras sa trabaho at sa pamilya ko ngayon.
"Okay na ba ito ma'am Cheena?"
"Yes. You're cute Gigi" Pinisil niya ang aking pisngi.
Nakasuot ako ng simpleng shirt dress. Wala iyong disenyo. Purong dark brown ang kulay na iyon. Tumingkad ang kulay kong morena sa bestida. Tinulungan ako ni Ma'am Cheena sa aking parang pancit canton na buhok. Pinahiram niya ako ng clip na babagay sa aking postura. Tumangkad din ako sa suot na platform shoes.
"You should wear platform shoes often to increase your
