ISANG mamahaling country club sa Laguna ang destinasyon nila ni Clyde. Sa normal na traffic ay mahigit dalawang oras silang bumiyahe patungo roon.
Papasok ay natanaw ni Cruzette ang walang katapusang lawn na natataniman ng mga hindi ordinaryong klase ng halaman at puno sa palibot ng mga facilities ng club. Sa malayo ay mayroong man-made lake at malapit doon ay ang clubhouse. May mga natanaw din siyang golf carts na umaandar sa damuhan.
Inihinto ni Clyde ang SUV nito sa valet parking space at sa kaliwa ay nakita niya ang restaurant. Glass-walled iyon at semi-elevated. Pag-akyat nila ay sinalubong agad sila ng isa sa mga tauhan doon na may malapad na ngiti.
"Good afternoon, Mr. Rodriguez! Do you have a reservation?"
"No. But I'm joining Mr. George Contreras and his group."
"Oh, yes, Sir
